عید

با صدای: کیان امین
ترانه سرا: کاوه همام
تنظیم: کیان امین
میکس و مستر: فرید فرقانی

زندگی سخته زکن امی کمر دورسوفته یه
روخانان آب ناریدی، امی بجار بوسوخته یه

امی دیل غورصه ولی همدیگره باله دریم
پابوزه خون فوکونیم، اما هنوز خنده دریم

کی بوگوفت هتو مَنِه زمستانه سرده هوا
کی بوگوفت چوم دَوَسته حتی خودا

چندهزار سال گوذره اَمَن هَتو کوهه مَنیم
عرب و تیمور بامو، اَمَن بازم داره مَنیم

عید بَمو بهار بَمو، حاج حاجی و وارش بامو
سرمایی جیم بزه و اَمی دیله قرار بامو

خیابان شیکه بیدین آدم دره پوره کوده
سبزه میدان خو کشه مردومه رِه بازه کوده

میدانه موشتریان غرقه بیدی رنگه میان
جاغالان گریه کونان، مارانه باله آویزان

هفت هزار ساله اَمَن نوروز بل و نوروز دریم
باهاره چانه گیریم، گیلانِه ارسو باریم

جنگلان تی تی کونید امی لبخنده وَسی
امی دیل غورصه به هم، نیاره دیل واپَسی

عیب ناره دیر نوکونه
بهار همش از راه اَیِه
دیل اگر غورص بمانه
تاریکی رِه مهتاب اَیِه